Salyanda binada yanğın: 7 nəfər təxliyə edildi

Salyan şəhərində ikimərtəbəli yaşayış binasının ikinci mərtəbəsində vətəndaşa məxsus 4 otaqlı evdə yanğın hadisəsi baş verib.

Lent.az-ın FHN-nin saytına istinadən məlumatına görə, ümumi sahəsi 69 kv.m olan 4 otaqlı mənzilin bir otağının və mətbəxinin yanar konstruksiyaları 32 kv.m sahədə yanıb. Yanğın zamanı yanğınsöndürənlər tərəfindən 7 nəfər bina sakini təxliyə olunub. Mənzilin qalan hissəsi və digər mənzillər yanğından mühafizə olunub. Yanğın saat 05:29-da yanğınsöndürənlər tərəfindən söndürülüb.