Sabirabadda VAZ 2107 bir ailənin 4 üzvünü vurdu

Sabirabadda yol-nəqliyyat hadisəsi baş verib.

APA-nın Mil-Muğan bürosunun məlumatına görə, hadisə 22.30 radələrində Sabirabad rayonunun Qaragüney kəndi ərazisində qeydə alınıb.

VAZ 2107 markalı 90 FL 503 dövlət nömrə nişanlı avtomobili idarə edən şəxs bir ailənin 4 üzvünü - Sabirabad rayonunun Güdəcühür kənd sakinləri, 1988-ci il təvəllüdlü Salmanova Suqra Vidadi qızı, 1985-ci il təvəllüdlü Salmanova Günel Vidadi qızı, 1977-ci il təvəllüdlü Salmanov Şahin Xanoğlan oğlu və 2006-cı il təvəllüdlü Salmanova Fidan Təmkin qızını vurub.

Həmin şəxslərdən ikisi çoxsaylı sınıq xəsarətləri ilə Şirvan şəhər xəstəxanasının travmatologiya şöbəsinə, sonuncu 2 nəfər isə kəllə-beyin və çoxsaylı sınıq xəsarətləri ilə reanimasiya şöbəsinə yerləşdirlib.

Faktla bağlı Sabirabad polis şöbəsi tərəfindən araşdırma aparılır.