Şəhid polkovnik-leytenant Ramil Səfərovla birgə təhsil alıbmış

Bir neçə gün əvvəl cəbhədə erməni hücumunun qarşısını alarkən qəhrəmancasına həlak olmuş ordumuzun xüsusi təyinatlılarının polkovnik-leytenantı Murad Mirzəyev Ramil Səfərovla bir yerdə hərbi təhsil alıbmış. Lent.az-ın məlumatına görə, bu barədə Milli Ordunun mayoru Ramil Səfərovun həyat yoldaşı bildirib. Onun sözlərinə görə, hər iki hərbçi illər öncə Türkiyədə bir yerdə ali hərbi təhsil alıb və çox yaxın dost olublar: "Murad Ramillə birgə oxumuşdu Türkiyədə. Qardaş kimiydilər. Qardaşımızı itirdik".

Qeyd edək ki, bu gün Müdafiə Nazirliyinin Təlim Tədris Mərkəzində Ermənistan və Azərbaycan qoşunlarının təmas xəttində baş vermiş son hərbi əməliyyatlarda şəhid olan hərbi pilotlar və Xüsusi Təyinatlı Qüvvələrinin polkovnik-leytenantı Murad Mirzəyevlə vida mərasimində Ramil Səfərov, eləcə də digər hərbçilər də iştirak edib.