Qobustanda yol qəzası: yaralananlar var

Qobustan rayonu, Bakı-Şamaxı yolunda "MERCEDES" markalı minik maşını "VAZ" markalı minik avtomobili toqquşub. Lent.az-ın məlumatına görə, bu barədə Fövqəladə Hallar Nazirliyinin rəsmi saytında xəbər yerləşdirilib. Hadisə nəticəsində "VAZ" markalı avtomobilin sürücüsü və avtomobildə olan bir nəfər sərnişin aldığı müxtəlif bədən xəsarətləri ilə yanğınsöndürən-xilasedicilər tərəfindən müxtəlif alət və avadanlıqlardan istifadə edilməklə avtomobildən çıxarılaraq təcili yardım xidmətinə təhvil verilib. "MERCEDES" markalı avtomobilin sürücüsü və avtomobildə olan iki nəfər aldığı müxtəlif bədən xəsarətləri ilə vətəndaşlar tərəfindən çıxarılaraq xəstəxanaya aparılıb. Hadisə ilə əlaqədar müvafiq qurumlar tərəfindən təhqiqat aparılır.