Qəzada yaralanan qadın öldü

Yol-nəqliyyat hadisəsi zamanı xəsarət almış Neftçala rayon sakini xəstəxanada dünyasını dəyişib.

DİN-in mətbuat xidmətindən Lent.az-a verilən məlumata görə, fevralın 22-də saat 19 radələrində Neftçala rayonunun Astanlı kəndində rayon sakini Əli Əliyev idarə etdiyi “VAZ-21014” markalı avtomobillə yolu keçən həmyerlisi Şərqiyyə Tağıyevanı vurub. Xəstəxanaya yerləşdirilmiş Ş.Tağıyeva fevralın 23-də orada ölüb.

Neftçala RPŞ tərəfindən araşdırma aparılır.