Qadın və kişi dəm qazından boğuldu

Şəkidə faciəli hadisə baş verib. APA-nın Şəki-Zaqatala bürosunun məlumatına görə, hadisə bu gün saat 15 radələrində Şəki Şəhər-Rayon Polis Şöbəsinə Şəki şəhəri Mahmud Əliyev keçəsindəki fərdi yaşayış evlərinin birində iki meyit aşkar edilməsi ilə bağlı məlumat daxil olub. Daxil olan məlumat əsasında hadisə yerinə hüquq-mühafizə əməkdaşları və Şəki Rayon Mərkəzi Xəstəxanasının həkim briqadası gəlib.

Aparılan müayinə zamanı hər iki şəxsin vanna otağında dəm qazından boğularaq ölmələri müəyyən edilib. Araşdırma zamanı dəm qazından boğulub ölən şəxslərin Bakı şəhəri Xətai rayon sakini, 1992-ci il təvəllüdlü Xudafər Abışov və Oğuz rayonu Xaçmaz kənd sakini, 1991-ci il təvəllüdlü Gülşən Tehran qızı Ağayeva olmaları məlum olub.

Həmin şəxslər evi kirayəyə götürüblərmiş.

Faktla bağlı Şəki rayon Prokurorluğunda araşdırma aparılır.