YORUM...
Qarabağda işğalçı Ermənistanın atəşkəsi pozması və yaşayış məntəqələrimizi atəşə tutması nəticəsində verilən cavabın belə sərt olması xüsusi ilə Rusiya və İranı narahat etməyə bilməzdi. Çünki adı çəkilən ölkələrdən biri ATƏT Minsk Qrupunun həmsədrlərindəndir və daim bu münaqişədə son söz sahibi olan tərəf kimi tanınır. İran isə daha çox bölgədəki hadisələrin alovlanmasının onun sərhədlərində baş verməsindən əndişəlidir.
Amma Azərbaycanın son addımları artıq qonşu dövlətin təhlükəsizliyi baxımından daha çox öz ərazisinin bərpası haqda düşündüyünü və sülh danışıqlarının bu qədər uzanmasından bezdiyini göstərdi. Və bu addımlar yenidən adı çəkilən ölkələri, beynəlxalq qurumları hərəkətə keçirdi. Bakıda İran və Rusiya xarici işlər nazirlərinin verdiyi bəyanatlardan belə qənaətə gəlmək olar ki, bu dəfə ortaya qoyulacaq təkliflər və şərtlər daha konkret və effektiv olacaq. Qaldı cəbhədə döyüşlərin davam edib-etməyəcəyinə, hərbi münaqişənin yenidən siyasi müstəviyə keçməsi artıq faktdır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
