Narkotik satana 8 il 6 ay həbs cəzası verildi

Bu gün Bakı Ağır Cinayətlər Məhkəməsində narkotik maddələrin qanunsuz dövriyyəsində təqsirləndirilən Şahin Abdullayevin cinayət işi üzrə məhkəmə prosesi yekunlaşıb. Lent.az-ın məlumatına görə, keçirilən prosesdə hökm oxunub. Hakimlər kollegiyasının hökmünə əsasən Şahin Abdullayev 8 il 6 ay müddətinə azadlıqdan məhrum edilib.

Qeyd edək ki, Şahin Abdullayev Cinayət Məcəlləsinin 234.4.3 (külli miqdarda narkotik vasitə) maddəsi ilə ittiham edilib.