[b]KİA at arabasını vurdu, 2 nəfər xəstəxanalıq oldu[/b] - YENİLƏNİB

Sabirabadda avtomobil at arabasını vurub, iki nəfər xəsarət alıb.

APA-nın Mil-Muğan bürosunun məlumatına görə, hadisə 21.30 radələrində Sabirabad rayonunun Qaratoğay kəndində qeydə alınıb. KİA markalı avtomobil at arabası ilə toqquşub. Nəticədə at arabası yolun kənarında duran iki nəfər kənd sakini - 1995-ci il təvəllüdlü Əkbərova Aynur Sərvər qızı və 1978-ci il təvəllüdlü Vahidov Ramin Bəybala oğlunu vurub. A.Əkbərova və R.Vahidov xəsarət alaraq Şirvan Şəhər Xəstəxanasına yerləşdirilib.

Qəzanın təfərrüatları dəqiqləşdirilir.

Faktla bağlı Sabirabad Polis Şöbəsi tərəfindən araşdırma aparılır.