İrandan Azərbaycana tiryək keçirərkən yaxalandı

İrandan gələn vətəndaşın üzərindən 2 ədəd bükümdə tiryək aşkar edilərək götürülüb.

Gömrük idarəsindən Lent.az-a verilən məlumata görə, Biləsuvar Gömrük İdarəsinin “Qoşa Təpə” gömrük postunda İran İslam Respublikasından Azərbaycan Respublikasına piyada yolla gələn Azərbaycan vətəndaşı Elsivən Əliyevin üzərində şəxsi yoxlama zamanı ondan 2 ədəd bükümdə, ümumi xalis çəkisi 13,71 qram olan narkotik vasitə - tiryək aşkar edilib.

Faktla bağlı təhqiqat aparılır.