İlhamə Quliyeva məhkəməyə gəlmədi

Xalq artisti Nazpəri Dostəliyevanın həmkarı İlhamə Quliyevaya qarşı qaldırdığı iddia üzrə növbəti məhkəmə prosesi keçirilib.

Bu barədə aznews.az-a məlumatı N. Dostəliyevanın vəkili Yunis Vəliyev verib. Onun sözlərinə görə, qarşı tərəfin özü və nümayəndələri Yasamal Rayon Məhkəməsinə gəlməyib.

Məhkəmə prosesi təxirə salınaraq noyabrın 19-na təyin edilib.
İ.Quliyevanın vəkili Şəfiqə Hacıyeva məhkəmə prosesində iştirak etməməyinin səbəbini açıqlayıb: “Şəkidə məhkəmə prosesim var idi. Məhz bu səbəbdən Yasamal rayon Məhkəməsində prosesdə iştirak edə bilmədim”.

Xatırladaq ki, İ. Quliyeva ATV-nin efirində N. Dostəliyevaya xitabən “mən yemirəm, yedizdirirəm” demişdi. Bu ifadənin qarşılığında N. Dostəliyeva xalq artisti İlhamə Quliyevadan 100 min manat təzminat tələb edir.