İçi pul və qızılla dolu seyfi oğurlamış şəxs tutuldu

İçərisində pul və qızıl əşya olan seyfi oğurlamış Ağcabədi sakini tutulub. Lent.az Daxili İşlər Nazirliyinin saytına istinadən xəbər verir ki, Ağcabədi əməkdaşlarının həyata keçirdikləri əməliyyat-axtarış tədbirləri nəticəsində yanvarın 27-də rayon sakini Rabil Məmmədovun evindən içərisində 10000 manat və 10000 ABŞ dolları, habelə qızıl əşya olan seyfi oğurlamış həmyerlisi Samir Məhərrəmov tutulub, daha 2 nəfər isə müəyyən edilib.

Əməliyyat-axtarış tədbirləri davam etdirilir.