Gözəllik salonundan pulla dolu qabı oğurlayan qadın tutuldu

Bakıda oğurluq etmiş şəxs tutulub. Lent.az Daxili İşlər Nazirliyinin mətbuat xidmətinə istinadən xəbər verir ki, Bakı şəhər Baş Polis İdarəsinin Cinayət Axtarışı İdarəsi və Yasamal RPİ 26-cı PB əməkdaşlarının keçirdikləri əməliyyat-axtarış tədbirləri nəticəsində aprelin 11-də rayon ərazisindəki gözəllik salonlarından birindən içərisində 1800 manat, 240 ABŞ dolları və 450 yuan olan pul qabını oğurlamaqda şübhəli bilinən Tovuz rayon sakini Gülnarə Novruzova tutulub.

Araşdırma aparılır.