Gəncədə tələbəni soyan iki nəfər saxlanıldı

Gəncədə soyğunçuluq yolu ilə tələbənin telefonun ələ keçirən iki nəfər saxlanılıb.

APA TV-nin qərb bürosunun məlumatına görə, Azərbaycan Dövlət Aqrar Universitetinin birinci kurs tələbəsi, Yevlax rayon sakini, 1997-ci il təvəllüdlü Cəfər Məmmədli polisə müraciət edərək bildirib ki, şəhərin Atatürk prospektində tanımadığı iki nəfər ona bıçaqla hədə-qorxu gələrək əlində olan “Samsung” markalı mobil telefonunu zorla alıblar.

Aparılan əməliyyat tədbirləri nəticəsində soyğunçuluqda şübhəli bilinən iki nəfər - 1996-cı il təvəllüdlü Cəlal Məhərrəmov və 1997-ci il təvəllüdlü Azər Mehdiyev saxlanılıb. Onlar törətdikləri cinayəti etiraf ediblər.

Faktla bağlı cinayət işi başlanıb, istintaq davam etdirilir.