Gədəbəydə ikimərtəbəli ev yandı

Gədəbəydə yanğın hadisəsi qeydə alınıb.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Gədəbəy rayonu, İvanovka kəndində vətəndaşa məxsus ümumi sahəsi 500 m² olan ikimərtəbəli 13 otaqlı evin 1-ci mərtəbəsində 2 otağının, 2-ci mərtəbədə 8 otağının yanar konstruksiyaları və dam örtüyü ümumilikdə 350 m² sahədə yanıb.

Evin qalan hissəsi yanğından mühafizə olunub. Yanğın saat 21:59-da yanğınsöndürənlər tərəfindən söndürülüb.