FHN əməkdaşları dənizdə batan şəxsi xilas etdi

Xəzər rayonunda 1 nəfər dənizdə batmaq təhlükəsi yaşayıb.

FHN-nin mətbuat xidmətindən Lent.az-a verilən məlumata görə, FHN-nin Böhran Vəziyyətlərində İdarəetmə Mərkəzinə Xəzər rayonunda dənizdə çimərkən 1 nəfərin batmaq təhlükəsi ilə üzləşməsi barədə məlumat daxil olub. Dərhal hadisə yerinə cəlb olunan Dövlət Sularda Xilasetmə Xidmətinin xilasediciləri vətəndaşı sudan çıxararaq aidiyyati üzrə təhvil veriblər. Əməliyyat saat 16:45-də başa çatıb.