FHN dəhşətli avtobus qəzası ilə bağlı məlumat yaydı

Fövqəladə Hallar Nazirliyi bu gün Bakıda baş vermiş avtobus qəzası ilə bağlı məlumat yayıb. Lent.az nazirliyin saytına istinadən məlumatına görə, “112” qaynar telefon xəttinə Sabunçu rayonunda “Shacman” markalı yük avtomobili ilə “Daewoo” markalı avtobusun toqquşması barədə müraciət daxil olub. Nəticədə, avtomobillər deformasiyaya uğrayıb, hər iki avtomobilin sürücüsü xəsarət alıb və “Daewoo” markalı avtobusda olan 1 nəfər sərnişin isə aldığı müxtəlif bədən xəsarətləri nəticəsində hadisə yerində vəfat edib. Xilasedicilər yaralıları və cəsədləri avtomobildən çıxarıb və aidiyyəti üzrə təhvil veriblər. Əməliyyat saat 12:41-də başa çatıb.