Evdən, maşından oğurluq edənlər saxlanıldı

Kriminalistik Tədqiqatlar İdarəsi və Binəqədi rayon Polis İdarəsinin 6-cı Polis Bölməsi əməkdaşlarının birgə keçirdikləri əməliyyat-axtarış tədbirləri nəticəsində sentyabrın 3-də rayon ərazisindəki marketlərin birindən 1392 manat oğurlamaqda şübhəli bilinən Lənkəran rayon sakini Y.Nuriyev saxlanılıb.

***

Nəsimi rayon Polis İdarəsi 21-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində mayın 23-də rayon ərazisində “Opel” markalı avtomobildən 1320 manat və mobil telefon oğurlamaqda şübhəli bilinən Bakı şəhər sakini, əvvəllər məhkum olunmuş N.Cəfərov yaxalanıb.