Ermənistanda “Kanaz” hərbi hospitalından bir neçə hərbçi qaçıb. Lent.az-ın məlumatına görə, bu barədə ölkənin Müdafiə Nazirliyinin mətbuat katibi Artsrun Ovannisyan bildirib.
Hadisə noyabrın 3-ə keçən gecə baş verib. Qaçışa hospitalda müalicə alan əsgərlər arasındakı dava səbəb olub. Ovannisyanın sözlərinə görə, toqquşmada xəstəxananın eyni bölməsində müalicə olunan hərbçilər iştirak ediblər. Münaqişənin səbəbləri açıqlanmır.
Nazirlik rəsmisi onu da əlavə edib ki, əsgərlər növbətçi həkimə hücum etdikdən sonra aradan çıxıblar. Rəsmi məlumatlara əsasən, qaçanlar 4 nəfər olub. Qeyri-rəsmi xəbərlərdə isə onların 5 nəfər olduğu bildirilir.
Yerli KİV əsgərlərin xəstəxananın yanında yoldan ötən maşınları saxlayaraq, “Bizi öldürürlər” deyə onları aparmalarını xahiş ediblər. Artıq qaçanlardan 3 nəfərini xəstəxanaya qaytarmaq mümkün olub.
Faktla bağlı araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
