Ermənilər 3 il qabaq belə rasistlik etmişdi
16 iyun 2015 12:28 (UTC +04:00)

Ermənilər 3 il qabaq belə rasistlik etmişdi

 

Bakıdakı Avropa Oyunlarının açılış mərasimində “çatışmazlıq”lar axtaranlar, stadiona toplaşmış tamaşaçıları Ermənistan nümayəndə heyətinə “soyuq” münasibət göstərməkdə suçlayırlar. Amma görünür, bu “ittihamı” səsləndirənlərin yaddaşı çox qısadır. Elə isə onlara cəmi 3 il əvvəl – 2012-ci ildə Yerevanda keçirilən boks üzrə dünya çempionatında Azərbaycanın nümayəndə heyətinə qarşı göstərilən sayğısızlığı xatırlatmaq istərdik.

 

Videoda da göründüyü kimi, həmin çempionatın açılış mərasimində bütün nümayəndə heyətlərinin bayraqlarını erməni qızları daşıdığı halda, Azərbaycan bayrağı Afrika mənşəli xanıma “etibar edilmişdi”.

 

Təbii ki, tolerant Azərbaycan üçün onun bayrağını hansı irqin nümayəndəsinin daşıması heç bir fərq etmir – biz bütün irqlərə və millətlərə hörmət və sayğı ilə yanaşırıq. Bu, sadəcə, Ermənistanın irqçilik və millətçiliyinin göstəricisi sayıla bilər: görünür, monoetnik Ermənistan üçün Azərbaycan bayrağını afrikalı xanımın daşıması bizim üçün təhqir sayılmalıdır. Bu zaman ermənilər belə yanaşmanın həmin xanıma və onun təmsilçisi olduğu xalqa təhqir, irqi ayrı-seçkilik olduğunun fərqində belə deyillər. Burada xatırlatmaq yerinə düşər ki, vaxtilə Ermənistanın sabiq prezidenti Robert Köçəryan rasist ideoloqlarına xas olan tərzdə erməni və Azərbaycan xalqlarının etnik uyğunsuzluğu haqqında bəyanatla çıxış etmişdi.

 

Bir sözlə, Avropa Oyunlarının açılış mərasimi ilə bağlı Azərbaycanın ünvanına əsassız ittihamlar səsləndirənlərə tez-tez bu videoya baxmağı tövsiyə edərdik. 

 

Qeyd etdiyimiz məqam videoda 1.30-cu dəqiqədə.  (qafqazinfo.az)

# 141
avatar

Oxşar yazılar