Azərbaycan prezidenti İlham Əliyevin dünən imzaladığı əfv sərəncamının icrası davam edir.
APA-nın xəbərinə görə, sərəncam qadın məhkumların saxlandığı 4 saylı Cəzaçəkmə Müəssisəsində və yetkinlik yaşına çatmayan məhkumlar üçün Tərbiyə Müəssisəsində icra olunub.
4 saylı CM-dən Azərbaycan vətəndaşı Şəbnəm Bayramova və Özbəkistan vətəndaşı Mastura Xocayeva azad ediliblər.
Yetkinlik yaşına çatmayan məhkumlar üçün Tərbiyə Müəssisəsində isə Balakən rayon sakini Rəhman Kulayev azadlığa buraxılıb.
Əfv sərəncamının icrasında iştirak edən Ədliyyə Nazirliyi Penitensiar Xidmətinin rəis müavini Nizaməddin Cəlilov bildirib ki, dövlət başçısının dünən imzaladığı əfv sərəncamı ümumilikdə 148 nəfərə şamil edilib. Onlardan 137-si müxtəlif rejimli CM-də cəza çəkənlər, qalanlar cərimə və islah işlərinə cəlb olunanlardır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
