DİN Bakıda avtobus qəzası ilə bağlı məlumat yaydı

Daxili İşlər Nazirliyi Sabunçuda baş verən avtobus qəzası ilə bağlı məlumat yayıb.

Lent.az-ın nazirliyinin saytına istinadən məlumatına görə, martın 18-də saat 08 radələrində Sabunçu rayonu ərazisində Pirşağı qəsəbə sakini Allahverdi Məmmədov idarə etdiyi “Daewoo” markalı avtomobili qarşıda gedən Mehdiabad qəsəbə sakini İlham Əhmədovun idarə etdiyi “Daewoo” markalı 179 saylı xətt avtobusuna vurub. Nəticədə A.Məmmədov hadisə yerində ölüb, 2 sərnişini xəstəxanaya yerləşdirilib. Sabunçu RPİ tərəfindən araşdırma aparılır.