DİN ölkədə törədilmiş qətllərlə bağlı məlumat yaydı

Daxili İşlər Nazirliyi dünən törədilmiş qətllərlə bağlı məlumat yayıb. Lent.az Daxili İşlər Nazirliyinin mətbuat xidmətinə istinadən xəbər verir ki, martın 14-də Tovuz rayonunun Aşağı Quşçu kəndində kənd sakini Qulu Almədətovun bıçaqla qətlə yetirilmiş meyiti tapılıb. Tovuz RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni münaqişə zəminində törətmiş Gəncə şəhər sakini Sənan Muradov tutulub.

Bundan başqa martın 14-də Yevlax şəhərində yaşayan Kəlbəcər rayon sakini Maral Nəsibovanın küt alətlə qətlə yetirilmiş meyiti evində tapılıb. Faktla əlaqədar cinayət işi başlanıb.

Yevlax RPŞ tərəfindən əməliyyat axtarış tədbirləri aparılır.