DİN körpələrin öldüyü dəhşətli hadisə ilə bağlı məlumat yaydı

Daxili İşlər Nazirliyi Abşeron rayonunda azyaşlıların ölümü ilə nəticələnən yanğın hadisəsi ilə bağlı məlumat yayıb. Lent.az nazirliyin saytına istinadən xəbər verir ki, martın 15-də saat 12 radələrində Abşeron rayonunun Digah qəsəbəsində yaşayan Ruslan Zeynalovun evində yanğın baş verib. Nəticədə 9 kvm. sahədə mətbəxin yanar konstruksiyaları və dam örtüyü yanıb, yanğın söndürüldükdən sonra R.Zeynalovun oğlanları - 5 yaşlı Nihadın və 3 yaşlı Sadiqin tüstüdən boğulmuş meyitləri tapılıb.

Araşdırma aparılır.