Daha bir ilansancma

Şəmkirdə ilansancma olub. APA-nın qərb bürosunun verdiyi məlumata görə, hadisə rayonun Bayramlı kəndində qeydə alınıb. Kənd sakini 1969-cu il təvəllüdlü Xudaverdiyev İsa Haqverdi oğlu həyətində atı bağlamaq istəyən zaman ilan onun əlindən sancıb. O dərhal Şəmkir Rayon Mərkəzi Xəstəxanasına yerləşdirilib. Vəziyyətinin orta ağır olduğu bildirilir.

Qeyd edək ki, Şəmkirdə bir gündə iki nəfəri ilan vurub. Bundan əvvəl rayonun Zəyəm qəsəbəsində də 1948-ci il təvəllüdlü Qaratel Hüseynovanı ilan sancıb.