Bakıdakı qəzalarda 3 nəfər öldü

Bakıda baş vermiş yol qəzalarında 3 nəfər vəfat edib. Lent.az Daxili İşlər Nazirliyinin mətbuat xidmətinə istinadən xəbər verir ki, oktyabrın 14-də saat 9 radələrində Yasamal rayonunun C.Cabbarlı küçəsində Füzuli rayon sakini Zəfər Ağayevin və Bakı şəhər sakini Hüseyn Quliyevin idarə etdikləri “Nissan” markalı 2 avtomobil toqquşub. Nəticədə H.Quliyevin sərnişini, paytaxt sakini Xavər Səlimova xəstəxanaya aparılarkən yolda ölüb, özü isə xəstəxanaya yerləşdirilib.

Oktyabrın 9-da saat 4 radələrində Binəqədi rayonunun Xəcəsən qəsəbəsi ərazisində Bakı şəhər sakini Azay Məmmədov idarə etdiyi “KamAZ” markalı avtomobillə yolu keçən 35-40 yaşlı qadını vurub. Nəticədə xəstəxanaya yerləşdirilən piyada oktyabrın 14-də orada ölüb.

Bundan başqa oktyabrın 13-də saat 15 radələrində paytaxtın Nizami rayonunun H.Əliyev prospektində Bakı şəhər sakini Xamis Məmmədov idarə etdiyi “Kia” markalı avtomobillə yolu keçən Bakı şəhər sakini Anatoliy Poluxini vurub. Nəticədə xəstəxanaya yerləşdirilən piyada oktyabrın 14-də orada ölüb.

Hər bir faktla bağlı araşdırmalar aparılır.