Bakıda yolu keçən piyadanı maşın vurdu

Bakıda piyadanın vurulması ilə nəticələnən yol qəzası olub.

ONA-nın məlumatına görə, hadisə Bakı şəhəri, Yasamal rayonu, 20 Yanvar metrostansiyasının yaxınlığındakı Badi-Səba şadlıq sarayının qarşısında qeydə alınıb.

1993-cü il təvəllüdlü Məşədiyev Məhəmməd Ağabala oğlunun idarə etdiyi “Runa” markalı avtomobil yolu keçən piyada Bakı şəhər sakini Ziyafət Bünyadovu vurub. Nəticədə Z.Bünyadov kəllə-beyin travması ilə 1 saylı kliniki tibbi mərkəzinə yerləşdirilib.

Faktla bağlı Yasamal Rayon Polis İdarəsində araşdırma başlanılıb.