Bakıda ticarət mərkəzində bomba həyəcanı - YENİLƏNİB

Bakının mərkəzindəki tanınmış ticarət mərkəzində partlayıcı qurğu olması barədə əlaqədar qurumlara müraciət daxil olub.

APA TV-nin məlumatına görə, hadisə paytaxtın Nəsimi rayonu ərazisində, “28 Mall” ticarət mərkəzində baş verib. Partlayıcı olması barədə məlumat daxil olduqdan dərhal sonra əraziyə Fövqladə Hallar Nazirliyinin xilasetmə qüvvələri, istehkamçılar, polis əməkdaşları, təcili yardım briqadaları cəlb edilib.

Ticarət mərkəzinin partlayıcının olduğu bildirilən hissəsinə giriş məhdudlaşdırılıb, istehkamçılar axtarışlara başlayıblar.

Axtarış işləri 1 saata yaxın davam edib. APA TV-nin əldə etdiyi məlumata görə, ticarət mərkəzinə bomba qoyulması ilə bağlı məlumat təsdiqlənməyib.

***

Azərbaycan paytaxtında “28 mall” ticarət mərkəzinə bomba qoyulması barədə məlumat daxil olub.

APA-nın məlumatına görə, FHN-in müvafiq xilasetmə qüvvələri axtarış-xilasetmə tədbirlərinin görülməsi üçün hadisə yerinə cəlb edilib. Xilasedicilər ticarət mərkəzinin və onun ətrafında olan insanların təhlükəsizliyini təmin edir.

Hazırda hüquq-mühafizə orqanlarının əməkdaşları ticarət mərkəzində axtarış aparır.