Bakıda qadının bahalı geyimini və qızıllarını oğurladılar

Bakıda mənzildən oğurluq hadisəsi baş verib. Lent.az xəbər verir ki, polisə müraciət edən 1984-cü il təvəllüdlü Məmmədzadə Ceyhunə Tapdıq qızı bildirib ki, naməlum şəxs və ya şəxslər axşam saatlarında onun General Şıxlınski küçəsində yerləşən mənzilə daxil olub. Evdə kimsənin olmadığı vaxtda pəncərənin dəmir barmaqlıqlarını sındıraraq içəri girən oğrular oradan 600 manat dəyəri olan kürkü, bahalı saatı və gümüş sırğaları, eləcə də 1800 dollarlıq qızıl əşyaları oğurlayıb. C.Məmmədzadəyə məxsus fotoaparat və videokamera da götürülüb.

Müraciət əsasında araşdırma aparılır.