Bakıda məktəbdən oğurluq etmiş şəxslər tutuldu

Bakıda oğurluqla məşğul olan şəxslər tutulub.

Lent.az Daxili İşlər Nazirliyinin saytına istinadən xəbər verir ki, Sabunçu RPİ 12-ci PB əməkdaşlarının həyata keçirdikləri əməliyyat-axtarış tədbirləri nəticəsində aprelin 18-dən mayın 9-dək olan müddətdə R.Xanlarova məxsus evdən, N.Məmmədova, Y.Tağıyevə məxsus sexlərdən, 78 saylı orta məktəbdən və daş karxanasından 1880 metr elektrik naqili, təmir-tikinti alətləri və inşaat materialları oğurlamış şəxslərin kimliyi müəyyənləşdirilib. Bakı şəhər sakini Ramin Həsənov, əvvəllər məhkum olunmuşlar, Cəlilabad rayon sakini Teymur Həsənov və Masallı rayon sakini İntiqam Tahirov tutularaq istintaqa təhvil verilib.