Bakıda intihara cəhd

Fövqəladə Hallar Nazirliyinin “112” qaynar telefon xəttinə Bakının Xətai rayonunda 1 nəfərin intihar məqsədilə tikilməkdə olan 15 mərtəbəli binanın damına çıxması barədə məlumat daxil olub. Lent.az-ın FHN-nin saytına istinadən verdiyi xəbərə görə, dərhal nazirliyinin müvafiq xilasetmə qüvvələri hadisə yerinə cəlb olunub. Xilasedicilər tərəfindən vətəndaşla aparılmış psixoloji söhbət nəticəsində intihara cəhdin qarşısı alınıb. İntihara cəhd edən şəxs aidiyyəti üzrə təhvil verilib. Əməliyyat saat 01:14-də başa çatıb.