Bakı şəhərinin Xəzər rayonunda vətəndaşa məxsus ümumi sahəsi 120 kv.m olan birmərtəbəli 4 otaqlı evdə güclü yanğın olub. Lent.az-ın Fvqəladə Hallar Nazirliyinin saytına istinadən məlumatına görə, evin 3 otağı, dam örtüyünün yanar konstruksiyaları və ev əşyaları 70 kv.m sahədə yanıb. Evin qalan hissəsi yanğından mühafizə olunub. Yanğın saat 07:00-da söndürülüb.
Oxşar hadisə Qaradağ rayonunda da baş verib. Vətəndaşa məxsus ümumi sahəsi 60 kv.m olan köməkçi tikilinin dam örtüyünün yanar konstruksiyaları 40 kv.m sahədə yanıb. Tikilinin qalan hissəsi və yaxınlıqdakı ev yanğından mühafizə olunub. Yanğın saat 20:20-də söndürülüb.
Bundan başqa Bakı şəhəri, Nəsimi rayonunda vətəndaşa məxsus "MERCEDES" markalı minik avtomobilinin mühərriki və idarəetmə lövhəsi yanıb. Avtomobilin qalan hissəsi yanğından mühafizə olunub. Yanğın saat 00:05-də yanğınsöndürənlər tərəfindən söndürülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
