Novxanıdakı dəhşətli qəzada ölənlərin kimliyi bilindi - YENİLƏNİB

Aprelin 13-nə keçən Novxanı qəsəbəsində baş vermiş dəhşətli yol qəzasında ölən şəxslərin kimliyi məlum olub. Abşeron rayon Polis Şöbəsindən Lent.az-a verilən məlumata görə, “Mercedes C Klass” markalı minik avtomobilinin 5-ci və 7-ci seriyadan olan iki “BMW” ilə toqquşması nəticəsində 1988-ci il təvəllüdlü Ağayev Hacı Talıb oğlu və 1986-cı ildə anadan olmuş Rüstəmov Vaqif Rüstəm oğlu hadisə yerində dünyasını dəyişib. Hər iki şəxs “Mercedes”də olub.

*****

13.04.2014 / 11:06

Aprelin 13-nə keçən gecə Novxanı qəsəbəsində dəhşətli yol qəzası baş verib. Lent.az-ın məlumatına görə, “BMW” markalı avtomobil yüksək sürətlə hərəkət edərkən sürücünün idarəetməsindən çıxıb. Avtomobil zəncirvari olaraq 2 “Mercedes” və digər “BMW” ilə toqquşub. Daha sonra "BMW" işıq dirəyinə çırpılaraq dayanıb. Qəza nəticəsində 2 nəfər həlak olub.

Hər iki şəxsin kimliyinin müəyyən edilməsi istiqamətində iş aparılır.

Faktla bağlı cinayət işi açılıb. Araşdırmalar aparılır.