Bakıdakı yanğın söndürüldü - YENİLƏNİB

Bakıda bankda baş verən yanğın söndürülüb.

APA-nın hadisə yerində olan əməkdaşının verdiyi məlumata görə, yanğın bankın daxilində olan kombi sistemində qeydə alınıb. Bankın əməkdaşları dərhal binadan təxliyə edilib.

Hadisə yerinə gələn Fövqəladə Hallar Nazirliyinin yanğınsöndürənləri yanğının qarşısını alıblar.

***

saat 11:05

Bakı. Hafiz Heydərov - APA. Bakıda bank binası yanır.

Fövqəladə Hallar Nazirliyinin Dövlət Yanğından Mühafizə Xidmətindən APA-ya verilən məlumata görə, hadisə “Yapı Kredi Bank”ın Nərimanov rayonu, Z. Bünyadov prospektində yerləşən filial binasında meydana gəlib.

Yanğının söndürülməsinə yanğınsöndürənlər cəlb edilib.

Hazırda yanğının qarşısının alınması istiqamətində tədbirlər davam etdirilir.

Yanğın nəticəsində filiala ciddi zərər dəyməyib və xəsarət alan olmayıb.

Filial hal hazırda tam rejimdə fəaliyyətini davam etdirir.