Bakıda avtobusda kişilər qadının çantasına girdi

Bakıda avtobusda oğurluq əməli törətmiş şəxslər tutulub. Lent.az Daxili İşlər Nazirliyinin saytına istinadən xəbər verir ki, mayın 2-də Nəsimi rayonu ərazisində 83 N-li xətt avtobusunda Bakı şəhər sakini Nigar Əhmədovanın çantasından pul və sənədlər oğurlanıb.

Nəsimi RPİ 20-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş həmyerliləri, əvvəllər məhkum olunmuş Səbuhi Hüseynov və Ceyhun Seyidbəyov tutulublar.

C.C.Seyidbəyovdan 1,251 qram, S.Hüseynovdan isə 1,574 qram heroin götürülüb.