Bakıda “Mercedes”lə VAZ toqquşdu: 1 yaralı

Bakıda xəsarətlə nəticələnən yol qəzası baş verib.

APA-nın məlumatına görə, hadisə Sumqayıt şosesində qeydə alınıb.

Xırdalandan şəhərin mərkəzinə doğru gələn istiqamətdə “Mercedes” və VAZ-2106 markalı avtomobillər toqquşub.

Toqquşmadan sonra “Mercedes” yol ayırıcısına çırpılıb, daha sonra yolun əks istiqamətində təmir aparılan sahəyə düşüb. Qəza nəticəsində "Mercedes"in sürücüsü Hüseynov Elmar Elşad oğlu ağır xəsarətlər alıb. Onun deformasiyaya uğramış avtomobildən çıxarılması üçün hadisə yerinə FHN xilasediciləri cəlb olunub. Xilasedicilər yaralını xəstəxanaya çatdırıblar.

Faktla bağlı Baş Dövlət Yol Polisi İdarəsinin İstintaq və təhqiqat şöbəsində araşdırma aparılır. İlkin ehtimala görə, qəzaya “Mercedes”in sürücünün sürət həddini aşması və ötmə əməliyyatını düzgün yerinə yetirməməsi səbəb olub.