Bakıda 79 yaşlı kişinin meyiti tapıldı

Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Bakı şəhəri, Xəzər rayonunda fərdi yaşayış evində 1 nəfərin bağlı qapı arxasında köməksiz vəziyyətdə qalması barədə məlumat daxil olub.Lent.az-ın FHN-nə istinadən verdiyi xəbərə görə, dərhal nazirliyinin Xüsusi Riskli Xilasetmə Xidmətinin qüvvələri hadisə yerinə cəlb olunub. Xilasedicilər yaşayış evinə pəncərədən daxil olmuş və 1937-ci il təvəllüdlü İsmayılov Cəlal İsmayıl oğlunun cəsədini aşkar edərək aidiyyəti üzrə təhvil veriblər.