Bakı şəhər sakinindən silah götürülüb. Lent.az Daxili İşlər Nazirliyinə istinadən xəbər verir ki, Nəsimi RPİ 20-ci PB əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Cümşüd Hüseynovdan nömrəsi silinmiş “Naqan” tipli tapança və 2 ədəd patron götürülüb. Bundan başqa Kürdəmir RPŞ əməkdaşlarının həyata keçirdikləri əməliyyat-axtarış tədbirləri nəticəsində rayonun Yenikənd kənd sakini Abdulbağı Qubadovun evinə baxış zamanı nömrəsi silinmiş “Makarov” markalı tapança, patron darağı, tapança kaburası, müvafiq sənədləri olmayan “İJ-43M” markalı ov tüfəngi aşkar edilərək götürülüb.
Sumqayıt şəhəri ərazisində aparılan qazıntı işləri zamanı isə oradan “TOZ-8” markalı tüfəng, “AK” markalı silaha aid patron darağı və 700 ədəd patron tapılıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
