Daxili İşlər Nazirliyi Sabunçuda törədilən qətllə bağlı məlumat yayıb. Lent.az-ın DİN-in saytına istinadən xəbərinə görə, martın 27-də Sabunçu rayonunun Bakıxanov qəsəbəsində yerləşən ev alqı-satqı ofisində orada işləyən, əvvəllər məhkum olunmuş Nuridin Bayramov qısqanclıq zəminində qeyri-rəsmi nikah münasibətlərində olduğu Zeynəb Alışovanı boğma yolu ilə qətlə yetirib.
Sabunçu RPİ 13-cü PB əməkdaşlarının həyata keçirdikləri əməliyyat-axtarış tədbirləri nəticəsində N. Bayramov tutulub.
***
10:28
Bakıda qətl hadisəsi baş verib.
Sabunçu Rayon Polis İdarəsindən APA-ya verilən məlumata görə, hadisə Bakıxanov qəsəbəsində, Müslüm Maqomayev küçəsi ev 15-də qeydə alınıb.
Bakı şəhər sakini, 1960-cı il təvəllüdlü Nuriddin Məmmədtağı oğlu Bayramov qeyri-rəsmi yaşadığı həmyerlisi, 1969-cu il təvəllüdlü Zeynəb İsmayıl qızı Alışovanı boğaraq öldürüb. Hadisəni törədən N. Bayramov tutulub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
