Bakı-Quba yolunda ölümlə nəticələnən qəza baş verib.
Lent.az-ın FHN-nin saytına istinadən məlumatına görə, bu gün səhər saatlarında Bakı-Quba yolunda "Mercedes" markalı minik avtomobili idarəetməni itirərək yolun kənarındakı yol ayırıcısına çırpılıb. Nəticədə minik avtomobilinin sürücüsü hadisə yerində vəfat edib. Saat 07:30-da xilasedicilər tərəfindən xüsusi alət və avadanlıqlar vasitəsilə deformasiyaya uğramış nəqliyyat vasitəsindən çıxarılan meyit aidiyyəti üzrə təhvil verilib.