Bərdədə faciəvi şəkildə ölən azyaşlı qardaşlardan birinin meyiti tapıldı - YENİLƏNİB

Bərdədə Yuxarı Qarabağ kanalında batan qardaşlardan birinin meyiti Ağcabədidə tapılıb.

APA-nın Qarabağ müxbirinin xəbərinə görə, Bəcirəvan kəndi ərazisində “VAZ 21011” markalı maşının kanala düşməsi nəticəsində boğulan qardaşlardan 11 yaşlı Asif Əsədovun meyiti hadisənin baş verdiyi yerdən 25 km aralıda - Ağcabədi rayonun "4 Yol" adlanan ərazisində sudan çıxarılıb.

Meyit ailəyə təhvil verilib.

Hazırda Fövqaladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri digər qardaşın - 13 yaşlı Mirələm Əsədovun meyitini tapılması istiqamətində əməliyyat axtarış tədbirlərin i davam etdirirlər.

11:42

Bərdə rayonunda avtomobilin kanala aşması nəticəsində boğulan uşaqların adı məlum olub.

APA-nın Qarabağ müxbiri xəbər verir ki, hadisə nəticəsində iki qardaş - 11 yaşlı Əsədov Asif Qulu oğlu və 13 yaşlı Əsədov Mirələm Qulu oğlu kanalda boğulub.

Hazırda onların axtarışları davam edir.

10:15

Bərdə rayonunda avtomobilin kanala aşması nəticəsində iki uşaq boğulub.

APA-nın Qarabağ müxbiri xəbər verir ki, Bərdə rayon Bəcirəvan kənd sakini Abdullayev Akif Şahmalı oğlunun idarə etdiyi "VAZ 21011" markalı avtomobil kəndin ərazisindən keçən Yuxarı Qarabağ kanalına aşıb.

A. Abdullayev sudan çıxa bilsə də, avtomobildə olan nəvələri boğulub.

10 və 11 yaşında oğlanların axtarışı aparılır.

Ağcabədidə yaşayan nəvələrin Bərdə rayonuna - bablarıgilə qonaq gəldiyi bildirilir.