Ağcabədidə dəhşətli qəza: avtomobil görün nə günə düşdü - YENİLƏNİB

Fövqəladə Hallar Nazirliyi (FHN) Ağcabədidəki yol-nəqliyyat hadisəsi ilə bağlı məlumat yayıb. Lent.az-ın FHN-nin rəsmi saytına istinadən verdiyi xəbərə görə, nazirliyin “112” qaynar telefon xəttinə daxil olmuş məlumata əsasən, Ağcabədi şəhərində vətəndaşlara məxsus “Kamaz” markalı yük avtomobili ilə "VAZ" markalı minik avtomobilinin toqquşması nəticəsində yol-nəqliyyat qəza hadisəsi baş verib.

Dərhal FHN-nin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, “VAZ” markalı minik avtomobilinin sürücüsü vəfat edib və deformasiyaya uğramış avtomobildə sıxılmış vəziyyətdə qalıb. Yanğınsöndürən-xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə sıxılmış vəziyyətdə qalmış meyiti avtomobildən çıxarıb və aidiyyəti üzrə təhvil veriblər.

*****

11:58

Bu gün Ağcabədidə yol-nəqliyyat hadisəsi baş verib. Lent.az-ın “qafqazinfo”-ya istinadən verdiyi xəbərə görə, rayonun Heydər Əliyev prospektində KaMAZ markalı yük maşını ilə “Vaz 2107” markalı minik avtomobili toqquşub. Hadisə nəticəsində “Vaz 2107”-nin sürücüsü ölüb.

Avtomobildə sıxılmış vəziyyətdə qalan sürücünün cəsədi Fövqəladə Hallar Nazirliyinin xilasediciləri tərəfindən çıxarılıb.

Rayon polis idarəsinin əməkdaşları hadisə yerində araşdırma aparır.