"VAZ" yandı, sürücü yaralandı

Bərdədə avtomobil yanıb, sürücü xəsarət alıb. Lent.az-ın Fövqəladə Hallar Nazirliyinin (FHN) saytına istinadən verdiyi xəbərə görə, yanğın rayonun Piyadalar kəndində vətəndaşa məxsus "VAZ" markalı minik avtomobilində baş verib. Nəticədə avtomobilin salon hissəsi yanıb. Yanğın zamanı sürücü yanıq xəsarəti alıb və yanğın bölmələri hadisə yerinə çatana kimi vətəndaşlar tərəfindən xəstəxanaya aparılıb. Avtomobilin qalan hissəsi və yaxınlıqdakı tikililər yanğından mühafizə olunub.