[b]Türkiyə Belçikaya nota verdi[/b]

Belçikanın Ankaradakı səfiri Mişel Malherbe Türkiyənin Xarici İşlər Nazirliyinə çağırılıb. Lent.az-ın Türkiyə mətbuatına istinadən verdiyi məlumata görə, ona Belçikada terrorçu PKK qruplaşması ilə əlaqəsi olan şəxslərə xəbərdarlıq edilməsinin qarşısının alınmasından Türkiyənin narahat olduğu çatdırılıb.

Xarici İşlər Nazirliyinin sözçüsü Hami Aksoy Belçika Prokurorluğunun qərarına münasibət bildrərək deyib ki, Belçika Federal Prokurorluğunun PKK-nın terror təşkilatı xüsusiyyəti mövzusunda təqdim etdiyi bütün dəlillərə baxmayaraq, alınan bu qərar, mövcud halıyla, terror təşkilatlarına çox təhlükəli bir istismar sahəsi çıxarmaqdadır.

"Bu qərara qarşı Belçika Yüksək Məhkəməsinə getmə imkanı var. Türkiyə hüquq mübarizəsini qətiyyətlə təqib edəcək. Müttəfiqimiz Belçikanın terrorla mübarizə məsuliyyəti çərçivəsində hərəkət etməsini və PKK terror təşkilatına qarşı lazım olan addımları atmasını gözləyirik", deyə Aksoyun yazılı bəyanatında vurğulanır.