[b]FHN özünü kanala atan şəxsin cəsədini tapdı[/b]

İyunun 12-də Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Ağcəbədi rayonu, Qaradolaq kəndi ərazisində 1 nəfərin intihar məqsədi ilə özünü Yuxarı Qarabağ kanalına atmısı barədə məlumat daxil olub.

Lent.az-ın FHN-nin saytına istinadən xəbərinə görə, dərhal Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin xilasediciləri hadisə yerinə cəlb olunub və vətəndaşın axtarışlarına başlanılıb.

İyunun 15-də 1963-cü il təvəllüdlü Mayılov Tofiq Cəlil oğlunun cəsədi batdığı yerdən 25 km aralıda tapılıb çıxarılaraq aidiyyəti üzrə təhvil verilib.