![[b]Bıçaqçılı arvadı və baldızını bıçaqladı[/b]](https://lent.az/site/assets/images/breaking-news/lentaz.png)
Zərdabda ər arvadını və baldızını bıçaqlayıb.
APA-nın yerli bürosunun xəbərinə görə, hadisə bu gün gündüz saatlarında rayonun Bıçaqçı kəndində baş verib. Kənd sakini Təhməz Şamilov ailə münaqişəsi zəminində həyat yoldaşı 51 yaşlı Maya Allahverdi qızı Şamilovaya və onun bacısı 27 yaşlı Roza Allahverdi qızı Məmişovaya bıçaqla xəsarət yetirib. Hər iki yaralı təcili olaraq Zərdab Mərkəzi Rayon Xəstəxanasına çatdırılıb. Yaralılara ilkin tibbi yardım göstərildikdən sonra onlar Ucar Mərkəzi Rayon Xəstəxanasına yerləşdirilib.
Hadisəni törədən T. Şamilov könüllü olaraq Zərdab Rayon Polis Şöbəsinə gələrək hadisəni törətdiyini etiraf edib.
Faktla bağlı rayon polis şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
