Azərbaycanda FACİƏ: Kürdə batan ata və oğlunun meyiti tapıldı - YENİLƏNİB

Kür çayının Hacıqabul rayonu ərazisindən keçən hissəsində batan şəxslərin meyiti tapılıb.

APA-nın Mil-Muğan bürosunun xəbərinə görə, 43 yaşlı Ağabəyzadə Bəxtiyar və oğlu 15 yaşlı Fəridin meyiti sudan çıxarılıb.

15:58

Kürdə batan ata və oğlunun axtarışına başlanılıb.

Lent.az-ın Fövqəladə Hallar Nazirliyinə istinadən bildirir ki, Böhran Vəziyyətlərində İdarəetmə Mərkəzinə Kür çayının, Hacıqabul rayonu, Talış kəndindən keçən hissəsində 2 nəfərin batması barədə məlumat daxil olub. Dərhal Nazirliyin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunmuş və vətəndaşların axtarışlarına başlanılıb. Əlavə məlumat veriləcək.

14:19

Kür çayının Hacıqabul rayonu ərazisindən keçən hissəsində batan şəxslərin adları məlum olub.

APA-nın Mil-Muğan bürosunun xəbərinə görə, onlar 43 yaşlı Ağabəyzadə Bəxtiyar və oğlu 15 yaşlı Fəriddir.

Batan şəxslərin axtarışları davam etdirilir.

13:48

Hacıqabul rayonunda iki nəfər Kür çayında batıb.

APA-nın məlumatına görə, hadisə rayonun Talış kəndində baş verib.

Çayda batan şəxslər ata və oğuldur.