“Nə? Harada? Nə zaman?” üzrə VI Çağırış Kuboku keçiriləcək

“Nə? Harada? Nə zaman?” oyunu üzrə VI Çağırış Kuboku Azərbaycan Respublikası Prezidenti yanında Gənclər Fondunun maliyyə dəstəyi təşkil olunacaq. Lent.az-ın məlumatına görƏ, layihə Azərbaycan İntellektual Oyunlar Federasiyası, Azərbaycan Müəllimlər İnstitutu, “İrəli” İctimai Birliyi, “Xəzər” İntellektual Gənclər Klubu və MFX Group-un birgə təşkilatçılığı baş tutacaq.

Kubokun keçirilməsində məqsəd gənclərin asudə vaxtlarının səmərəli təşkili, onların intellektual inkişafının təmin olunması və intellektual oyunlar hərəkatının bütün ölkəni əhatə etməsinin reallaşdırılmasıdır. “Nə? Harada? Nə zaman?” Klublarının Beynəlxalq Assosiasiyasının 2012-2013-cü ilə tələbələr üçün qoyduğu yaş senzinə uyğun olaraq VI Çağırış Kubokunda 01 sentyabr 1989-cu ildən sonra doğulan şəxslər iştirak edə bilərlər.

Layihənin seçim turları 16 noyabrda Bakıda, 23 noyabrda isə ölkəmizin müxtəlif regionlarında keçiriləcək. Seçim turlarında ən yaxşı nəticə göstərmiş 60 komanda “Nə? Harada? Nə zaman?” oyunu üzrə VI Çağırış Kubokunun Bakıda təşkil olunacaq finalına vəsiqə qazanacaq. Final Bakıda 1 dekabrda, Kempinski Hotel Badamdarda təşkil olunacaq.