Qaxda əməliyyat: 58 dini ekstremist saxlanıldı

Qax şəhər ərazisindəki evdən qadağan olunmuş dini vəsaitlər aşkar edilərək götürülüb. Lent.az Daxili İşlər Nazirliyinə istinadən xəbər verir ki, martın 23-də Qax RPŞ əməkdaşları tərəfindən rayon Məhkəməsinin qərarı əsasında şəhər ərazisində yaşayan Qivi Mixoyeviç Xusişvilinin evinə baxış keçirilib. Onun dini yığıncaqların təşkili və keçirilməsi qaydalarını pozaraq qanunla qadağan olunmuş dini dərnəklər təşkil etməsi, 56 nəfərin (44 nəfəri Qax rayon, 9 nəfəri Zaqatala rayon, 5 nəfəri Bakı şəhər sakini) həmin dini təriqətlə məşğul olması müəyyən edilib. Evdən Dini Qurumlarla İş üzrə Dövlət Komitəsindən qeydiyyatdan keçməyən 19 ədəd DVD disk, 2 ədəd videokaset və 219 ədəd dini ədəbiyyat aşkar edilərək götürülüb.