3 nəfər bıçaqlanıb

Daxili İşlər Nazirliyi son günlər ölkədə baş vermiş bıçaqlanma hadisələri ilə bağlı məlumat yayıb. Lent.az nazirliyin mətbuat xidmətinə istinadən xəbər verir ki, aprelin 16-da İmişli rayonunun Məzrəli kəndində kənd sakini Ziyad Gözəlov münaqişə zəminində həmkəndlisi Tərlan Abışovun qarın nahiyəsindən bıçaqla xəsarət yetirib. İmişli RPİ əməkdaşlarının həyata keçirdikləri əməliyyat-axtarış tədbirləri nəticəsində Z.Gözəlov tutulub.

Aprelin 17-də Kəpəz rayonunun Məhsəti qəsəbəsindən Gəncə şəhər sakini Şamil Qəhrəmanov kəsilmiş-deşilmiş xəsarətlə xəstəxanaya gətirilib. Kəpəz RPİ əməkdaşlarının həyata keçirdikləri əməliyyat-axtarış tədbirləri nəticəsində hadisəni münaqişə zəminində törətmiş həmyerlisi Elnur Tağıyev tutulub.

Balakən RPŞ əməkdaşlarının həyata keçirdikləri əməliyyat-axtarış tədbirləri nəticəsində aprelin 15-də Həsən Məmmədova bıçaqla xəsarət yetirməklə sağlamlığına ağır zərər vurmuş Mahir Xəlilov da tutulub.

Hər bir faktla bağlı araşdırma aparılır.